هو القطر ليه كله
males ??
سؤال سألتهولي آيه صاحبتي حيث ساقنا القدر إلى السفر يوم الأربعاء في موجة البرد التي اجتاحت البلاد واجتاحتني معاها ....الجو كان بشع ..واحنا نازلين قبل الشروق علشان نركب قطر الساعة6 ...وسيادته يتأخر ويجي الساعة 8وتلت ..احساس جميل وانت سايب حضن السرير الدافي ونازل للبرد بكامل قواك العقليه قاعد مستني القطر لما يشرف ....
المهم شرف القطر أهلا وسهلا ركبنا القطر .. الواحد كان قرب يجيله العصب السابع ...واحنا قاعدين ..سألتني آيه هو القطر ليه كله
males??
قلتلها أصل ال
females
مش مفروض يتبهدلوا كده ..بيني وبينكم البني آدمين عامة علشان الرجالة ماتزعلش ..سرحت في قد ايه احنا بنستحمل الغلط ومنستحملش نعمل الصح ؟؟ ليه نستحمل يجيلنا سرطان وفشل كلوي ومنستحملش نطالب بحقنا ونقول لأ ؟؟
نترك أنفسنا بين رحى الحياة حتى ان كادت تقتلنا تذكرنا أنه لا بد أن نقاوم لكن ليس الان فنحن لسنا سوى فتات ....المهم عدى اليوم على خير مع اني كنت ميته من التعب ..علشان كده نمت في القطر و أنا راجعة ...نزلت من القطر قلت أتمشى لحد البيت ..صعبت عليا نفسي قوي مش بحب الاحساس ده .....وسط المشاعر دي افتكرت حدوته قريتها زمان وأنا عيلة صغيرة ..عن بنت الامبراطور الصيني ...اللي كانت كل يوم تتخانق علشان معرفتش تنام الليلة اللي قبلها ..وتصحى من النوم اللي ما كنش نوم تدور على مرتبة جديدة وسرير جديد.... مراتب من ريش النعام ...يفرشولها ورد على السرير علشان ناعم وحنين تعرف تنام عليه ..وحاجات غريبة كلها مش فاهمة حد ينام على ورد وبعدين قررت تعمل رحلة حول العالم تدور فيها على مرتبة تنام عليها ..وهي راكبة السفينة قامت عليها عاصفة زي العاصفة اللي كانت قايمة وقاعده علينا واحنا مسافرين ..غرقت السفينة ..وكل الناس ماتت ماعدا بنت الامبراطور ..وصلت بلد غريبة ....يا عيني عليها..محدش يعرفها هناك ....ساقتها قدماها لست عجوزة عايشة لوحدها ..عرضت عليها تسكن معاها مقابل انها تصرف عليها ...المهم اضطرت تشتغل ..اشتغلت ايه ياترى ؟؟
كانوا بيبنوا جسر في البلد دي أو سد مش فاكره حاجه كده يعني..المهم اشتغلت معاهم ..كانت بنت الامبراطور بتشيل حجارة مع العمال ..... روحت البيت ونامت ..أول ليلة نامتها .............
أخيرا نامت بجد واستريحت عند الست العجوزة الغلبانة دي ..........
.عارفين كانت بتنام على ايه ؟؟كل واحد يخمن نكمل الحلقة الجاية
to be continued
خلاص هقولكم ..كانت بتنام على ايه ؟؟؟؟
كانت بتنام على مرتبة من الخيش....أصل النوم بجد مش حسب نوع المرتبة ..افتكرت اني لما نمت في القطر نمت بجد خدت نفس عميق زي بتاع اليوجا وحمدت ربنا
males ??
سؤال سألتهولي آيه صاحبتي حيث ساقنا القدر إلى السفر يوم الأربعاء في موجة البرد التي اجتاحت البلاد واجتاحتني معاها ....الجو كان بشع ..واحنا نازلين قبل الشروق علشان نركب قطر الساعة6 ...وسيادته يتأخر ويجي الساعة 8وتلت ..احساس جميل وانت سايب حضن السرير الدافي ونازل للبرد بكامل قواك العقليه قاعد مستني القطر لما يشرف ....
المهم شرف القطر أهلا وسهلا ركبنا القطر .. الواحد كان قرب يجيله العصب السابع ...واحنا قاعدين ..سألتني آيه هو القطر ليه كله
males??
قلتلها أصل ال
females
مش مفروض يتبهدلوا كده ..بيني وبينكم البني آدمين عامة علشان الرجالة ماتزعلش ..سرحت في قد ايه احنا بنستحمل الغلط ومنستحملش نعمل الصح ؟؟ ليه نستحمل يجيلنا سرطان وفشل كلوي ومنستحملش نطالب بحقنا ونقول لأ ؟؟
نترك أنفسنا بين رحى الحياة حتى ان كادت تقتلنا تذكرنا أنه لا بد أن نقاوم لكن ليس الان فنحن لسنا سوى فتات ....المهم عدى اليوم على خير مع اني كنت ميته من التعب ..علشان كده نمت في القطر و أنا راجعة ...نزلت من القطر قلت أتمشى لحد البيت ..صعبت عليا نفسي قوي مش بحب الاحساس ده .....وسط المشاعر دي افتكرت حدوته قريتها زمان وأنا عيلة صغيرة ..عن بنت الامبراطور الصيني ...اللي كانت كل يوم تتخانق علشان معرفتش تنام الليلة اللي قبلها ..وتصحى من النوم اللي ما كنش نوم تدور على مرتبة جديدة وسرير جديد.... مراتب من ريش النعام ...يفرشولها ورد على السرير علشان ناعم وحنين تعرف تنام عليه ..وحاجات غريبة كلها مش فاهمة حد ينام على ورد وبعدين قررت تعمل رحلة حول العالم تدور فيها على مرتبة تنام عليها ..وهي راكبة السفينة قامت عليها عاصفة زي العاصفة اللي كانت قايمة وقاعده علينا واحنا مسافرين ..غرقت السفينة ..وكل الناس ماتت ماعدا بنت الامبراطور ..وصلت بلد غريبة ....يا عيني عليها..محدش يعرفها هناك ....ساقتها قدماها لست عجوزة عايشة لوحدها ..عرضت عليها تسكن معاها مقابل انها تصرف عليها ...المهم اضطرت تشتغل ..اشتغلت ايه ياترى ؟؟
كانوا بيبنوا جسر في البلد دي أو سد مش فاكره حاجه كده يعني..المهم اشتغلت معاهم ..كانت بنت الامبراطور بتشيل حجارة مع العمال ..... روحت البيت ونامت ..أول ليلة نامتها .............
أخيرا نامت بجد واستريحت عند الست العجوزة الغلبانة دي ..........
.عارفين كانت بتنام على ايه ؟؟كل واحد يخمن نكمل الحلقة الجاية
to be continued
خلاص هقولكم ..كانت بتنام على ايه ؟؟؟؟
كانت بتنام على مرتبة من الخيش....أصل النوم بجد مش حسب نوع المرتبة ..افتكرت اني لما نمت في القطر نمت بجد خدت نفس عميق زي بتاع اليوجا وحمدت ربنا
يارب كلكم تكونوا بتناموا بجد
13 comments:
عجبتنى القصه دى وانا معاكى فعلا النوم مش بيجى بنوع امرتبه ابدن بييجى براحة الانسان الداخليه الى تخلى ضميره مرتاح اما ييجى ينام وع فكرة
الرسول كان بينام ع حاجة زى المرتبه كده بس خشنه واما السيدة عائشه تقريبا غيرتها بحيث تكون ناعمه شوية عشان يرتاح تانى يوم قالها شيلها لانها كانت هتمنعنى انى اقوم اصلى
شيمو ازيك
ممكن اعرف انتى بتفتحى امتى؟
على فكره القصه جميله انا فعلا مش بنام بعمق غير لما يكون متعب جدا ومرهق
مش بيكون فى اصلا وقت للتفكير فى اى حاجه غير ان الواحد ينااااااااااام
وحشتينى بجد خلينى اشوفك
شوشو عاملة ايه
مفيش احلى من النوم وانتى تعبانة جدا
ربنا يبعد عنك الارق والكوابيس
وحشانى .. سلميلى على البناويت اللى معاكى
جميلة جدا القصة دى ... بجد .. نفسى أنام مرة زى المرة المريحة دى
السلام عليكم
فكرتيني بالقطر و السفر الصبح .. أنا كمان بركب قطر الساعة ستة و نص صباحا اللي عمره ما بيجي غير بعد سبعة و شوية .. أنت و حظك .. كفاح مسلح لطلب العلم بقي .. و يا سلام في الكام يوم اللي الدنيا كشرت فيهم عن أنيابها .. حدث ولا حرج .. ربنا معانا جميعا .. صحيح ،انتي في جامعة إيه ؟؟
كمان موضوع النوم ده .. فعلا أنا من النوع اللي مش بينام إلا لو وصل لمرحلة الإغماء .. حاجة متعبة و الله .. بس إستحالة أنام ف القطر حتي لو صاحب بقالي أسبوع .. مش عارف ليه ؟؟
كمان كنت عايز أسألك الأعمال الكاملة لأحمد مطر جبتيها منين .. و دار نشر إيه هي ؟؟ أنا روحت المعرض و كمان جبت من دار الشروق (( أرز باللبن لشخصين )) رحاب بسام و غيرها كتير طبعا و كانت رحلة لذيذة فعلا .. رغم الإرهاق و البهدلة .. ســــــــــــلام
اول الكلام احلى تحية على دكاترة جمهورية بنى سويف العظمى
بجد سورى لانى مكنتش بقدر اسيب كومنت بالرغم انى كنت بتابع المدونة بأستمرار بس فيه ظروف طبعا اولها الشغل و ما ادراكى بشغلانة مندوبين الدعايا اللى بيبيعوا الهوا لدكاترة يعنى ممكن تلاقينى داخل عليكى فى يوم من الايام فى عيادتك ان شاء الله و ببيعلك الهوا فى ازايز
ثانيا حدث سطو امنى على اميلاتى عن طريق اميل مدونة زميلك بلاش نقول اسمها علشان الفضايح فجالى الهس هس بتاع مبروك وسيبت الكمبيوتر شوية
اتمنى انك تكونى بخير بأذن الله و يارب يبعد عنا كل المشاكل بأذن الله علشان نعرف ننام و احنا مرتاحين و ابقى نورينا لان المدونة بتاعتى نورها قاطع له شهر
تحياتى
و مسك الختام سلام
محمود
وعليكم السلام أنا في جامعة اكسفورد نسيت ولا ايه .بالنسبة لاحمد مطر فدار النشر هي دار كنوز المعرفة ..الكتاب موجود في مكتبة مدبولي
..
بيجاسوس
انت لسه عايش ..الهس هس أخباره ايه ولا يهمك .. انا فضلت ادخل المدونة لحد ما فقدت الأمل انك تكتب موضوع جديد عود أحمد هنورلك المدونة حاضر اي خدمة
آه فعلاً مواصلات مصر دي كلها بلا استثناء ضد حقوق الإنسان وأكبر إنتهاك ليه
المهم إنكوا وصلتوا بالسلامة
وأهم حاجة
الحمد لله
تحياتي
فين البو ست الجديد؟؟؟؟؟؟؟؟؟؟؟؟؟؟
Post a Comment