ادهنوا البلد...يمكن تدب فيها الحياه

كليتي -حبيبة قلبي-مدهونه كلها من اولها لاخرها الحيطان.. السقف حتى الفواصل الخشب ....بيدلعونا بأه

رصيف الكوبري..بيدهنوا برده...

مدرسة الثانوية العسكريه ..دي بأه مدهونه من بره ومن جوه حاجه تفرح القلب والله ..يمكن الطلبه بعد ما تشوفها يقرروا ما يخدوش دروس ويروحوا المدرسه حد عارف

سيادة المحافظ في زيارته لمدرسة ابتدائيه فحص وتمحص في ارضية المعمل اللي مش نظيفة ..لأ وشخط وهزأ ..تقريبا كان بيمثل دور روبين ويليامز في فيلم بابا الشغالة

أريد تفسيرا من حكومتي المبجله ..يمكن علشان رئيس الوزراء اسمه نظيف فقرروا مش بس ينظفوا عقول الناس ..وقلوبهم..وجيوبهم.. لأ
بالمره الحيطان والأرضيات
حكومتي المبجله
في مثل عبقري
دهان على وبر ما ينفع الجربان..