حدوته قبل العيد

وأنا راكبه الاتوبيس راجعه من الجحيم ....السواق بتاعنا اسمه عم محمد راجل كبير اكلت منه الحكومة وشربت شأنه شأن الشعب المصري ... المهم واحنا راجعيين كان راكب جنبه واحد زميلنا كان نايم معظم الطريق ولما صحي تمطع متأوها ربما لانه فقد اللحظات التي تنسلخ فيها عن الواقع لعالم من صنعك انت وحدك ...او ربما لاننا لسه موصلناش..
-المهم قام عم محمد قال له ..تعبان طيب ما تاخد حاجه من الصيد لية ...زي ****خدت نص قرص قبل كده فضلت صاحي 3 ايام ...- طبعا أنا بسترق السمع -...زميلنا يقوله بس ده نازل جدول ....يرد عم محمد :اه ماهو من غير روشته بخمسين جنيه بس هو اساسا بسبعه جنيه ونص
يرد زميلنا : بس الحاجات دي خطر ياعم محمد

عم محمد :لا ما هو نص قرص بس

فاصل قصير اقل من اسبوع .....بس المره دي واحنا رايحين.. ..واحده زميلتنا متدينة ومحترمة كده كانت قاعده جنب عم محمد قعد يحكي لها عن صولاته وجولاته في عالم السواقه مروا را بالطريق الطويل اللي اكتشفه -بس مختصر علشان مش زحمة-نهاية باستقامته والسجاير اللي عمره ماشربها ولا الشيشه ولا القهوه
ضحكت بسخرية وحزن في نفس الوقت عمره ماشرب سجاير بس بياخد ***بس

Egyptian people always say I'm what you expect me to be
الجمله الاخيره علشان محدش يقول مش فاهم انت عايزه تقولي ايه

كل سنة وانتوا طيبين وانتوا نفسكم مش حد تاني