سيناريو نهاية العالم...منحدر الأخلاق ...عندما أتأمل هذا العالم لا تطرح مخيلتي علي سوى سؤال واحد ..متى يستبدلنا الله ؟؟ هل نستحق حقا العيش على هذه الأرض التي لا يرثها سوى عباده الصالحون ...هل لازالت لدينا القدرة على التغيير أم أنه مقدر لنا أن نتيه في الأرض كقوم موسى حتى يستبدلنا الله بقلوب أنقى وأقدر على القرب منه
لا أدري ماذا أسميه أهو شر ...قذارة ..كفر..دعني أسميه فسادا....فهي الأعم والأشمل لقد نمى الفساد واستفحل صار اله يعبد.... تبنى له المعابد وتقدم له القرابين ..ماذا تنتظر..ممن قدم روحه ..صحته..طموحه ...ادميته ..قربانا ؟؟؟ أن يبكي على أرض أو عرض...-هههههه-...ربما يبكي بكاءا كسحابة هزيلة جاءها الريح في يوم عاصف..فأصبحت كأن لم تكن بالأمس
لكن كيف يكون الاستبدال ..بعد كارثة كونية؟؟ قنبلة ذرية ؟؟ أغلب ظني أنه وباء عالمي كانفلونزا الطيور ..لا يبقي ولا يذر..
بالنسبة لي هذا هو سيناريو التغيير القادم ....الاستبدال هو الحل
........
طبعا بتضحكوا على الكلام العجيب ده ....بس بصراحة مش عارفة الناس مستنية ايه علشان تتغير مش عارفة ؟؟؟؟؟
28 comments:
اية يابنتى الدماغ دى ربنا يخليكى لمصر الى مش قادرة تقولك انتى انهى وجه قبلى ولا بحرى الا من حق هى فرقا معاكى يابنتى صدقينى كلها مصر وكل كلامك صح انا اول مرة ازور مدونتك بس بجد عجبتنى قليلة العقول الى زيك كل سنة وانتى طيبة
ايوة فعلا الشر كتر
ايوة الفساد بقي مالي الدنيا
ايوة الكفر بقي عيني عينك
ممكن يكون كل ده اغلبية
بس اكيد لسة في خير
لسه في اخلاص وايمان
لسه في حاجات حلوة كتير
ممكن احنا مش شايفنها
ممكن علشان هي مش كتير
وممكن علشان هي بعيدة عنا
بس اكيد موجودة
واللي عايزها
حيدور عليها
واكيد حيلاقيها
الا لو ما كنتش موجودة
يبقي احنا اكيد ما لناش لازمة في الدنيا دي
كل سنة وانتي طيبة
اتمني زيارتك لمدونتي
الفكرة جميلة والهدف نبيل
ومسمي الفساد مسمي راقى للحقيقة المرة والاستبدال ايضا واقع بقوله تعالى ( وَإِنْ تَتَوَلَّوْا يَسْتَبْدِلْ قَوْمًا غَيْرَكُمْ ثُمَّ لَا يَكُونُوا أمثالكم )سورة محمد آية 38
وهل هل توافقيني أنه لا يجوز لنا التفكير فى كيفية وماهية احتمالات الاستبدال
أظن أن مجرد سرد احتمالات - بشرية - لما سيكون عليه الاستبدال فساد أكبر من الفساد المستشري حاليا
تحياتي واحترامي
mo7amed mado7
شكرا على الكلام الحلو ده أخجلتم تواضعنا ...كده هاخد مقلب فنفسي
وكل سنة وانت طيب
El_assel
معاك حق اللي عايز يشوف حاجة هيشوفها بس لمجرد ان مركز عليها ..بس كونا بنصلي وبنصوم وبندعي ربنا ده مش معناه ان احنا كويسين في حاجات تانية..مهمه برده...
I want to say we need to be effective
we need to be all we can be
not just to hear,read...know we must recognize >>believe>>>go>>>make a change
حاول تفتكرني
لأ أنا مش موافقة على ان كوني افكر في احتملات للاستبدال ده معناه فساد اكتر من الفساد اللي مستشري حاليا وجهة نظر برده بيتهيأ لي ان حرمة الانسان المسلم عند ربنا اكتر من حرمة الكعبة ..وانا مستعبدتش سبعين مليون علشان اكون افسد منهم
مجرد فكرة من امتى بقى من حق اي حد يجرم فكرة؟؟؟؟ مش التفكير عقيدة اسلامية برده
اللهم اجعلنا ممن تنتصر به لدينك، و تعز به نصر وليك و لا تستبدل بنا غيرنا، فان استبدالك بنا غيرنا يسير، و هو علينا كثير
... لكن( لو يؤاخذ الله الناس بما كسبوا ما ترك عليها من دابه .... اذن هناك فساد ... وهناك سفك دماء ... ولكن هناك ايضا من هو خير نقي سوي ... لا يضره من ضل اذا اهتدى .. فالفساد ظهر في البر والبحر بما كسبت ايدي الناس ... لكن الله لم يعجل العذاب في الدنيا منذ ان جاء النبي الخات الرحمة للعالمين ...
موضوع جميل
لك خالص التحية
هو طبعا الى مبيتغيرش من دلوقتى عمره ماهيتغير بس فكرة الخير والشر هتفضل موجوده يعنى
ولو احنا فل اوى ومحدش وحش ربنا هيستبدلنا بقوم يعصو ويستغفروه هيا دى الحياه المهم الطموح للوصول للاحسن فى اى حاجة وكل حاجة
أهلا بنت مصر
ومين قال أن الفكرة جريمة
بالعكس
السكون هواللى جريمة لا تغتفر
الفكرة جميلة والتعبير عنها جرأة
كل ماهنالك مسالة الاحتمالات لأننا لن نصل إلى تدبير الخالق مهما كانت عقلياتنا وافكارنا
تحياتي
هو طبيعي أنه يكون في شر في العالم .. و الا عمرنا ما كنا هنعرف الخير ..لكن التغيير أمر وارد من جيل لتاني و فيه أمل زي ما ربنا بشرنا .. مش ضروري يعني يحصل السيناريو الكارثي ده علشان يحصل تغيير .. لأن زي ما فيه فساد في خير .. بس اللي بيحملوا الخير دول لازم هيجي يوم من الايام و يبقوا أقوي و أقدر .. و لعل ذلك قريب
و الفكرة في حد ذاتها تسجيل لإنتفاضة في وجه الفساد و وقفة في وجهه .. فشكرا
و بعدين فينك .. ليه مش بتنوريني كالعادة .. يا رب يكون خير
سلام
gado
امين يارب
osama
thxxx
حاول تفتكرني
رأيك ولازم احترمه انا كنت فهماك غلط شويه بس كويس تصحيح الفكره ده
شكرا
honda
منوره ياجميل
و أنا معاك
محمود
لا ابدا خير الدنيا وما فيها باه... هقرا موضوعك الجديد حاضر
قرانا في القران ان الله هدد المؤمنين اذا زاغوا عن الحق بان يستبدل قوما غيرهم ثم لا يونو امثالهم
و فعلا انا حاسس اننا المفروض هنموت مهزومين لحد ميجي جيل جديد ينتصر لاننا خلاص تعودنا ان نهزم و نسكت بلا اي حساب لحكامنا
تحياتي
ذو النون المصري
كويس لقيت حد متبني وجهة نظري
شكرا على التضامن
اعتقد انى اتفق معكى فى الراى ومع نون ايضا على ان الله سوف يستبدلنا بقوم يعبدون الله خير عبادة يخطئون ويستغفرون ويتوب الله عليهم .. اما احنا بقي فعمالين نغلط ومش حاسين ان اللى بنعمله غلط
اعتقد ان عقاب الله قد بدأ مذلة وانكسار وذل للامم الاسلامية على الرغم من الكثرة ولكنهم كزبد البحر
اتمنى من الله ان ينصلح الحال
ونعود الى الرشد
نورتينى بزيارتك .. وسعيد ببداية صداقة جديدة :]
تحياتى
السلام عليكم
كلام فى السليم جدا الفساد بقى فى كل حاجه حتى الأخلاق مع أن أساسا وجود الأنسان هو تعمير الأرض
"إن الله لا يغير ما بقوم حتى يغيروا ما بأنفسهم " صدق الله العظيم
الحل أن البشر تغير من نفسها الآول تستبدل نفس سيئه بنفس جميله وراضيه
يارب نكون بنعمر فى الأرض
تحياتى
صحيح كنت عايزه أقولك حاجه ياريت تغيرى صفخه الكومن تخليها تفتح فى نفس الصفحه مش صفحه جديده لأن لما بتفتح صفحه لوحدها بتبقى تقيله جداجداجدا وبتهنج لو غيرتيها هتفرق كتير
تحياتى يا قمر
Islam
يارب نكون احنا البدايه حتى -بداية التغيير- ياريت نحاول نفهم دينا صح علشان ربنا يستخدمنا ولا يستبدلنا
وانا اسعد
انت تأمر يا جميل
من اول ما روبي ظهرت وانا عرفت ان في مكان اسمه بني شويف
ههههه
اه سوري بني سويف
الفساد وضد الفساد والكلام الي مش بيجيب همه
الحكايه تتلخص في جمله بسيطه
من اعمالكم سلط عليكم
وكمان
ان االله لايغير ما بقوما حتي يغيرو ما بانفسهم
نهاية العالم مش هتكون بوباء او قنبله او حتي كارثه كونيه
نهاية العالم في عدم اكلي للملوخيه
نهاية العالم ايه بس
anynomous 1
مش عارفة مسمعتش عن بردة الامام البوصيري؟؟؟
anynomous 2
حاجة من اتنين يا اما مفهمتش انا عايزة اقول ايه...ياما مقرتش قراءه واعيه
Post a Comment