syriana عندما ترى بأعينهم

الفيلم ده بالنسبة لي كان صدمة مش بس القصة بتاعته الجرأه في عرض الفكرة , اسمه دمج للعراق وسوريا وايران الفيلم مأ خوذ من قصة

see no evil by ROBERT BEAR

بطولة جورج كلوني وشوية ممثلين تانيين معرفهمش
في العالم العربي ناس كتير عايشة بنظرية المؤامرة وان الصراع صراع ديني انا منكرش ان جزء من الصراع هدفه بعد الناس عن الفهم الصحيح للدين وأولوياته يعني مفيش مانع انه سيادة المفتي يشغل نفسه بالحجاب والنقاب والتماثيل والختان وينسى اهالي قلعة الكبش وينسى التعذيب في أقسام الشرطة وينسى اغتصاب المواطنيين وينسى التحرش الجماعي في وسط البلد مفيش مانع خالص...
خلوني ادخل في الفيلم الصراع القائم ماهو الا صراع مصالح دول وشركات كبرى يعني الحرب دي زي ما كانوا بيقولوا في المظهرات

war for oil
- دول كبرى...أقصد دولة واحدة هي ماما امريكا بتقسم التورته-البترول-
شركات عملاقة تتحد وتعمل تجمعات اقتصادية كبرى أما الدول العربية مش بره اللعبه لا دي هي الكورة اللي بيلعبوا بيها.........
الصين او العملاق الصيني ومعدل نموه هو اكتر حاجه رعباهم تصور فرحانين ان الصين لولا احتيجها للبترول كانت قدرت تضاعف معدل صعودها.....علشان كده ممنوع على العرب يعملوا معاهم صفقات حتى لو كانت عروضهم الاحسن
نيجي بأه للاصلاح امريكا بعد ما الفساد قلب بارهاب على دماغ أبوها قررت اصلاح ما يمكن اصلا حه دون المساس بمصلحتها...يعني لما الأمير العربي الحليوه تفتح ذهنه وصاحبله واحد شاب امريكي زي الفل وخلاه مستشاره وقرر انه يغير سياسته ويبني بلده اصله البكري باه وكل حاجه في ايده...ايه اللي حصل؟؟؟؟
الأمريكان وسوسه اخوه الصغنن وابوه الملك الكبير فلما راح لابوه قاله اخوك الصغنن هو اللي هيشيل الحكم ...أنا بحب اعيش في أوروبا.....-قال ايه عايز يصلح قال هتشوفوا حصلوا ايه-
الفيلم بيتعرض للعمالة في الدول العربية وازاي الناس الغلابة بتاخد بالجزمة علشان ملهمش صاحب...
ازاي كمان ممكن واحد منهم وعيه تحت الصفر وكمان دينه –مش هقول قال ايه- يتحول لإرهابي مع تحفظي على الكلمة أصل الارهابي ده واحد مسروق ومغتصب ومكبوت وممسوح بيه الارض.......
المهم توازي الأحداث في اخر الفيلم كان جامد جدا يعني في اللحظة اللي الأمير الصغنن بيحتفل فيها بصفقة مع اتحاد شركتين أمريكيتين هي نفس اللحظة اللي بتحتفل فيها المخابرات الامريكية بقتلها لاخوه بتفجير سيارته على ارض بلده العربي هي نفس اللحظة اللي المكبوت المسروق المغتصب اللي بيفجر فيها ابار بترول بتاعة الشركة العملاقة...........
وكل تفجير وانتوا طيبين