اللص الأخرق

هما فاكرين ايه بالضبط ؟؟ هما بيحكموا البلد ولا بيحاكموها ؟؟
هما فاكرين نفسهم مين ؟؟ الواحد يرجع من السفر قرفان وطهقان يلاقي الإخوان محكوم عليهم ب 3-10 سنين ؟؟
هما عملوا ايه ياترى سرطنوا الشعب ؟؟ ولا خصخصوا البلد؟؟
متضامنة مع الإخوان ضد محاكمة الأفكار والعقول مهما اختلفت معاها
ضد محاكمة شعب مدني أمام محاكم عسكرية

متضامنة مع جورج اسحق واسراء
مع جرحى ومعتقلي المحلة

مضربة مسبقا في عيد ميلاد -عيد ايه بس في اليوم الاسود الي اتولد فيه

تنويه مش عارفه ليه في خلط بين البلد بلدنا اللي مستحملانا وبين حكومتنا المنحطة اشتموا الحكومة ياجماعة مالها مصر بتشتموها ليه ؟ احنا اللي عملنا فيها كل ده وحكومتنا , ما له الوطن

الحكومة ليست هي الوطن

أتوب إزاي وأنا أيوب ؟؟

أتكلم فقط لأكسر حاجز الصمت الذي بدأ يعلو داخلي وأخشى أن ينهار فوق رأسي ليخرس كلماتي أو أن يتعالى فيصبح حتما ولا تجد كلماتي مفر .... يتردد في ذهني كلمات أحمد فؤاد نجم
أتوب إزاي وأنا
رماني الوعد والمكتوب
سنين ماشي ورا الأفكار
على كف الــــــــــــقدم دوار
ما خليت في الدروب مشوار
ولا فوق الورق مكتوب
وأتوب إزاي و أنا أيوب ؟؟

ربما لا يوجد باب للتوبه ولا الإياب... تتمنى أن تهتدي وسط شعاب الحياة وقفارها ولكن هذا ليس بالأمر الهين ...

ربما تبدو كلماتي كأنها صدى لحاجز الصمت والكآبه لكن ما دفعني حقا للكتابه هو أني - اتكلم بالعاميه شويه
-خلصت تاني نوت بوك بكتب فيها مذكراتي يعني هي مش مذكرات قوي هي ملخص حياتي يعني اللي بفهمه في الحياه أو اللي بيعجبني أو يضايقني بكتبه ..سميها مرآة عقلي أتبين فيها ملامحه أحاول أن أغيرها في بعض الأحيان ..علشان كده بيتهيأ لي ان المرآه دي ضرورة لكل عقل وان تعددت أنواع المرايا , فلا بد من أن تتواجد مرآتك لتتبين فيها ملامح عقلك.. يعني شبه هيفا ولا باميلا أندرسون
اخر ما كتبت

Happiness and sadness both present in your heart , but you feel what your mind want

you will never feel satisfied except when you want to feel

pain is part of your life , pain means a lesson to forget pain learn the lesson

آخر حاجه مثل صيني قريته

لايعرف الانسان شقي هو أم سعيد إلا بعد موته

تمنياتي بالسعاده للجميع